4.03.2004

Hiriam Häfeles Kurzkolumne

Langsames Anspringen

Auf vielfachen Wunsch insbesondere aus Baden eine Übersetzung in den als "Hochdeutsch" titulierten niedersächsischen Dialekt: hier klicken.

H.H.:
Said Monad drzähle se ons vom Obdimismus in dr Wirdschafft ond dassd Konjungduhr langsam ahschbringe dähd. Joh s had sogar ghaisse, d Ondernähmr wäred so obdimisdisch wia said zea Johr nemme. Wenne dess vom ahschbringe heer, danoh denk i ohwillkiehrlich an den Reklame-Tiger von dem Minerahlehl- Konzern, wo de in de Tank neischdegga hasch kenne. Da siech i dann den Tiger vor moim goischdige Aug in Zeitlupe soin Dompteur ahschbringe - abbr bloss a baar Millimeter, grad dassr vom Bode abhebe dud. Ond bei som Reklamefilm woisch joh nedda, wias waidr gohd... S kennd au an Filmriß gebba. Des wär dann die Weltwirtschaftskrise. Doh fälltmr jetzat grad noh a Sbruch oi, dehne bloss uff hochdeitsch koh: Humor ist, wenn man trotzdem lacht!

 

neuronales Netzwerk