Gestern veröffentlichte der bekannte Karikaturist Haitzinger seine Vision zweier CIA-Beamter: "Wenn die uns
erst dahinter kommen, dass es Saddam auch nie gegeben hat..."
Auf vielfachen Wunsch insbesondere aus Baden eine Übersetzung in den als
"Hochdeutsch" titulierten niedersächsischen
Dialekt: hier klicken.
H.H.:
Dr nägschd Krieg kommt bschtimmd. Manche moinet joh, schoh dess Johr. Bloss hot dr Bush dschunior jetzat a
Probläm: Was soll'r uns vrzälle, worom dr nägschd Krieg gfiehrt wärdde misst?
Dr Osama Bin Laden isch wäg.
Dr Saddam Hussein isch wäg (ond vielleicht hot's n nia gäbbe?)
Abbr so oifach aussm Hut zaubre kohsch so oin au netnochamol.
Ond die Schtorri von ergendwelche Massenvernichtungswaffen glaubt'm jetzat au koinr meh a zwoitz mol.
Uff dr andre Seit isch's abbr au a grandiosr Kitzl firs Allmachtgfiehl, wenn'd de Leit älles vrzälle kohsch ond wenn dr
Schwendl rauskommt, ischs schnuz egal. Sollet se halt demonschtriere soviel se wellet, moint'r wohl.
I hannem doh an Vorschlag: Als Grund fir'n näggschde Krieg (wo au emmr) misst'r Vampire, Zombies oddr Werwelf
oddr älls zsamme ohgäbbe. Des däht'm koiner glaube ond so wärs noh a Staigrung firs Allmachtsgfiehl, dass'r sich
au dess laischte koh...
Ond drzu noh wär's a schees Theater zuzgugge wia d Schurnalischda ohfange dädet, ibr die Eksischdenz von Vapire,
Zobies oddr Werwelf z dischputiere...
